https://youtu.be/jJaZUY9R_hs
Na goccia d’inchiostro che ccade ‘int’a ll’acqua
varche a mmare
e ggente ‘int’a ll’abbisso
fratemo arriva e nnun trova cchiù niente
Uocchie curvine fermate ‘int’ô tiempo
cu ‘a stessa paura
rimmaneno fisse
vocca ca parla ma nun dice niente
E vveco ‘a bbella mbriana
m’aspetta, s’assetta pe mangià cu mme
na luce forte che trase
d”a fenesta a cce scarfà
“anema mia che ssi’ vvenuta a ffà?”
me dice ca mm’è vvenuta a ppiglià
Sulo ‘e bbolle mo saglieno a ggalla
allucche sott’acqua,
me pare ‘e sentì:
“damme na mano, aiutame a ssaglì”
Frate e ssore partute p”o mmeglio
nun so’ arrivate
sultanto pe ddispietto
pe vvulè ‘e quaccheduno ca nun prova niente
E vveco ‘a bbella mbriana
m’aspetta, s’assetta pe mangià cu mme
na luce forte che trase
d”a fenesta a cce scarfà
“anema mia che ssi’ vvenuta a ffà?”
me dice ca mm’è vvenuta a ppiglià
Na goccia d’inchiostro che ccade ‘int’a l’acqua
